Венеција – прекрасна и единствена, недостижен оригинал за градовите ширум светот кои потсеќаат на неа, но, само со гордост со неа се споредуваат. Венеција е една од најбогатите ризници на италијанската и европската култура и уметност. Изградена е во 5-ти век во пространа лагуна на влевањето на реката Бренте во Венецијанскиот залив, на преку 100 мали острови раздвоени од околу 180 канали и со преку 400 мостови. Комплетното богатство на Венеција се неколку стотици палати и преку 90 цркви – сите дел од светско културно наследство под заштита на УНЕСКО.
Венеција има над 170 канали по кои пловат гондоли, чамци, мали параброди и моторни бродови. Најголем е Големиот канал на кој се наоѓа познатиот мост Риалто, а околу 380 помали и поголеми мостови служат за премин преку каналот. Градот е познат по романтиката, заљубените парови доаѓаат тука да уживаат во нивната љубов возејќи се со гондоли низ овој рај.Гондолите се во просек долги 11 метри, тешки скоро 600 килограми, а во градот има 350 гондоли. Венецијанската традиција налага дека паровите кои се возат во гондоли мораат да се бакнат под секој мост за секогаш да останат заљубени.
Мостот на воздишките е изграден за да го поврзи стариот затвор во Дуждиевата палата со новиот затвор преку реката. Еден од ретките затвореници кои успеале да победнат беше славниот љубовник Џакомо Казанова. Венеција е позната како Град на мостовите; има вкупно 417 мостови од кои 72 се приватни. Мостовите немаат скали затоа што преку нив редовно поминувале коњи сè до 16 век. Лавот е еден од најпрепознатливите симобили на Венеција, а според легендата се појавил ангелот Марко во облик на лав и најавил дека народот еден ден ќе го слави и почестува.
Што се однесува до италјанската кујна, не пропуштајте италијанска пица, паста и кафе. Што и да изберете, нема да промашите. Пиците дури и на главниот плоштад се движеа околу 10€, додека паста можеше да се најде од 7€ до 13€ (во Венеција). Пробајте и домашно вино или коктелот шприц-аперол (аперол мешан со пенливо вино, 3,5-4€). Ако седнете во ресторан, сметајте и дека ќе ви наплатат пресметан бакшиш (service fee) од околу 2€ по човек.
Ел Мундо Ви стои секогаш на располагање за убава прошетка низ Венеција. Во било кое време да ја посетите – нема да зажалите. Имено, градот Венеција е дел од Крстарењето кое тргнува од Дубровник и продолжува низ Медитеранот. Уживајте и во следното видео кое ја прикажува Венеција од еден поинаков агол…